СҮЛД ЧУУЛГЫН БҮЖИГЧИД МЭРГЭЖЛИЙН БҮЖИГЧДИЙН АНХДУГААР УРАЛДААНЫ ГРАНПРИЙН ЭЗЭД БОЛЛОО
Уралдаанд тус чуулгын бүжигчид, Баянхонгор, Өвөрхангай, Сэлэнгэ аймгийн Мандал сумын мэргэжлийн театр, урлагийн байгууллага, Үндэсний дуу бүжгийн “Түмэн эх” чуулгын бүжигчид оролцлоо.
Хоёр өдөр үргэлжилсэн тэмцээний нийлбэр дүн гарахад тусгай байрыг Сэлэнгэ аймгийн Мандал сумын Мөнгөн хараа дуу, бүжгийн чуулгын эмэгтэй бүжигчид, Өвөрхангай аймгийн ХДТ-ын бүжигчид эзэлж 500 мянган төгрөгөөр шаглуулжээ. Гуравдугаар байрыг мөн Мөнгөн хараа дуу бүжгийн чуулга эзлэж нэг сая төгрөгөөр шагнуулав. Хоёрдугаар байрыг Түмэн Эх чуулга эзэлж, хоёр сая төгрөг, нэгдүгээр байрт Баянхонгор аймгийн ХДТ-ын бүжигчид шалгарч гурван сая төгрөгөөр шагнуулсан бол уралдааны Гранприг ЦЕГ-ын Сүлд чуулгын бүжигчид хүртэж таван сая төгрөгөөр шагнууллаа.
Энэхүү уралдаанд Б.Дэлэгдорж агсаны хань үр хүүхдүүд биечлэн оролцсон байна.