Сүлд чуулгын уран бүтээлчид XVII-р Жарны "ХИЛЭНТ ЭХ" хэмээх модон луу жилийн сар шинийн золголтоо шинийн гуравны өдөр зохион байгууллаа. Золголтын үер Монгол үндэсний наадгай шагай харваа, шагай шүүрэлтийн тэмцээн зохион байгуулж дуучин, цагдаагийн ахлагч Л.Эрдэнэболд, дуучин, цагдаагийн ахлах ахлагч Э.Нямхүү, дуучин, цагдаагийн ахлагч Ж.Хулан, хөгжимчин цагдаагийн ахлах ахлагч У.Сувд-Эрдэнэ нар бусдыгаа хошуучлан шалгарлаа. Үндэсний хувцсаа өнгө үзэмжтэй сайхан өмссөн алба хаагчаар цагдаагийн музейн эрхлэгч, цагдаагийн хошууч С.Дуламсүрэн тэргүүлж хөгжимчин, цагдаагийн ахлах ахлагч Б.Мягмарбүрэнхүү удааллаа.