СЭРЭМЖЛҮҮЛЭГ: Олон нийтийн цахим сүлжээнд "Монгол Улсын иргэн бүр гэр бүлийн тэтгэлэг үнэ төлбөргүй авах боломжтой тул энэхүү албан боломжийг ашиглан хувийн мессежээр "Тийм" гэж бичээрэй. Амжилт хүсье", "Өнөөдөр 100 жилд нэг тохиодог азтай өдөр "Азтай" гэж бичсэн хүн бүр гэр бүлийн тэтгэлэгт үнэ төлбөргүй хамрагдах азтай байх болно, найзын хүсэлт илгээнэ үү", “Ялагч 5,000,000-аас 500,000,000 хүртэлх эргэн төлөгдөхгүй зээл хожих болно", "Иргэн бүр Төв банкны гэр бүлийн тэтгэлэгт хөтөлбөрт хамрагдах боломжтой тул чатаар мэдээлэл аваарай гэх мэтээр хуурамч хаягаас бичсэн мэдээлэлд иргэд олноороо “Тийм”, “Ок”, “Азтай”, “Мэдээлэл авъя” гэж хариу үйлдэл үзүүлж, хувь чатаар мэдээлэл солилцох хүсэлт тавьжээ.

 

    Хил хязгааргүй цахим орчинд гадаад нэршилтэй хуурамч хаягуудаас иргэний хувийн мэдээллийг авч, таны цахим хаягт нэвтрэх нэр, нууц үг, цаашлаад банкны данс, карт зэрэгт хууль бусаар нэвтэрч иргэдийг залилах үйлдэл олон улсад өдөр бүр бүртгэгдэж байна.