Цагдаагийн "Сүлд" чуулгын Бүжгийн тэнхмийг "Сүлд" чуулгын анхны бүжгийн багш, Монгол Улсын Гавьяат жүжигчин Данзангийн Ламжавын нэрэмжит болгосон нээлтийн ёслолын үйл ажиллагааг зохион байгууллаа. Тус ёслолд нэрт бүжиг дэглээч, МУГЖ Д.Ламжав, түүний охин бүжиг дэглээч МУГЖ Л.Ганчимэг, Сүлд чуулгын Захиргаа удирдлага, анги хэсгийн ахлагч нар, Бүжиг ангийн бие бүрэлдэхүүн нар оролцлоо. Чуулгын дарга, цагдаагийн хурандаа Г.Эрдэнэбаатар тус арга хэмжээг нээж үг хэлээд нэрэмжит болгосон тухай Батламж болон Бүжиг ангиас дурсгалын зүйлс гардуулан өглөө.