Цагдаагийн Сүлд чуулгын Үлээвэр найрал хөгжим уран бүтээлийн тайлан тоглолтоо хийж хүмүүсийн сэтгэлд хоногшсон, сонгодог, шинэ уран бүтээлийн дээжээсээ өргөн барилаа. Анх 1991 онд "Үлээвэр найрал хөгжмийн хамтлаг" нэртэйгээр байгуулагдаж, өдгөө 27 жилийн түүхийг бүтээж яваа мэргэжлийн уран бүтээлчдээс бүрдсэн чадварлаг бүрэлдэхүүн юм.

Тус чуулгын хөгжимчин, цагдаагийн ахлах ахлагч Д.Одбаяр Монгол улсын "Соёлын тэргүүний ажилтан" тэмдэгээр шагнагдлаа.

Тэрээр 20 гаруй жил хөгжмийн урлагт хүчин зүтгэж, шинэ залуу хойч үедээ үлгэрлэн яваа уран бүтээлч билээ.